ທະນາຄານ ມາຣູຮານ ເຈແປນ ລາວ ໄດ້ຮັບການສ້າງຕັ້ງຂຶ້ນໃນເດືອນ ກຸມພາ ປີ 2013 ໂດຍຜູ້ບໍລິຫານຄົນປັດຈຸບັນ ທ່ານ Chang-Woo Han  ແລະ ເປັນທະນາຄານການຄ້າຂອງປະເທດຍີ່ປຸ່ນແຫ່ງທໍາອິດທີ່ຕັ້ງຢູ່ ສປປ ລາວ. ພວກເຮົາໄດ້ຮວບຮວມເອົາຄຸນນະພາບ, ການບໍລິການ, ນະວັດຕະກໍາ ແລະ ຄວາມເຊື່ອໃຈ ມາມອບໃຫ້ກັບທ່ານ. ກຸ່ມທະນາຄານຂອງພວກເຮົາມີການດໍາເນີນງານຢູ່ 3 ປະເທດຄື: ປະເທດລາວ, ປະເທດມຽນມາ ແລະ ປະເທດກໍາປູເຈຍ ເຊິ່ງເປັນປະສົບການທາງດ້ານການທະນາຄານໃນພາກພື້ນທີ່ບໍ່ເຄີຍມີມາກ່ອນ. ພວກເຮົາມີຄວາມມຸ່ງໝັ້ນທີ່ຈະສ້າງທະນາຄານໃຫ້ເປັນໃນຮູບແບບການປະສົມປະສານລະຫວ່າງຄວາມເປັນສາກົນ ແລະ ຄວາມເປັນທ້ອງຖິ່ນເຂົ້າກັນ ເພື່ອໃຫ້ເກີດເປັນການຮຽນຮູ້ທີ່ດີທີ່ສຸດ ພ້ອມທັງສາມາດເຂົ້າໃຈລູກຄ້າທຸກຄົນທີ່ຢູ່ໃນພື້ນທີ່ນັ້ນໆ ແລະ ທີ່ສໍາຄັນກໍແມ່ນການມຸ່ງເນັ້ນທາງທຸລະກິດ ແລະ ວິໄສທັດໄລຍະຍາວຢູ່ໃນປະເທດລາວເພື່ອເຮັດໃຫ້ການດໍາເນີນທຸລະກິດເປັນໄປໄດ້ດີ ແລະ ສາມາດເຂົ້າເຖິງໄດ້ທຸກກຸ່ມຄົນ.

ໃນປະເທດລາວ ທະນາຄານ ມາຣູຮານ ເຈແປນ ລາວ ຫຼັກໆຈະມີຢູ່ 4 ສາຂາ ແລະ ສາຂາທໍາອິດມີ່ດໍາເນີນທຸລະກໍາທາງດ້ານການເງິນໂດຍບໍ່ໃຊ້ເຈ້ຍແມ່ນຢູ່ທີ່ ເວິເທຣດເຊັນເຕີ ເຊິ່ງເປັນສາຂາທີ່ໃຫ້ບໍລິການແບບບໍ່ໃຊ້ເຈ້ຍ 100% ແລະ ເພື່ອເພີ່ມຄວາມສະດວກສະບາຍໃຫ້ກັບລູກຄ້າທາງທະນາຄານໄດ້ຂະຫຍາຍ ຕົວແທນທາງດ້ານການເງິນຂອງທະນາຄານ ຫຼື ເອັມເຈສະບາຍ ອອກໄປເຖິງ 154 ຕົວແທນ ໃນ 9 ແຂວງ ທົ່ວປະເທດລາວ ແລະ ຈະຂະຫຍາຍຕົວກວມເອົາທຸກແຂວງໃນ ສປປ ລາວ ໃນໄວໆນີ້.

ທະນາຄານ ມາຮູຣູຮານ ເຈແປນ ລາວ ແມ່ນທະນາຄານທີ່ໄດ້ຈັດຕັ້ງຂຶ້ນໃນລະດັບສາກົນທີ່ໃຫ້ບໍລິການຜະລິດຕະພັນທາງດ້ານການເງິນຢ່າງເຕັມຮູບແບບ ລວມມີ: ເງິນຝາກ, ສິນເຊື່ອຕ່າງໆ ແລະ ການທະນາຄານແບບ VIP. ນອກຈາກນັ້ນ, ທະນາຄານພວກເຮົາຍັງໄດ້ຮັບລາງວັນ ແອັບ MJ Saduak mobile banking & e-wallet ທີ່ດີທີ່ສຸດ, ການຊໍາລະຄ່າບໍລິການແບບອັດຕະໂນມັດໃນຮູບແບບ E-CASS, DOI ລະບົບການຊໍາລະເງິນພາຍໃນປະເທດ ແລະ ເປັນທະນາຄານແຫ່ງທໍາອິດທີ່ມີການດໍາເນີນທຸລະກໍາທາງດ້ານການເງິນແບບບໍ່ໃຊ້ເຈ້ຍ 100% .